കരിമീൻ, കാളാഞ്ചി, പൊമ്പാനോ, കണമ്പ്, പൂമീൻ, കായൽ ഞണ്ട്  തുടങ്ങിയ ഗുണമേന്മയും പോഷക സമൃദ്ധവുമായ തനതു മത്സ്യങ്ങളെ ആണ് ഇവിടെ വളർത്തുന്നത്. കൂട് മത്സ്യകൃഷി പദ്ധതി ആരംഭിച്ച ശേഷം നാളിതുവരെ നടന്ന വിളവെടുപ്പുകൾ എല്ലാം വൻവിജയമായിരുന്നു. കരിമീൻ കൃഷിയിൽ സ്വയംപര്യാപ്തത കണ്ടെത്തിയ ഞാൻ ഇപ്പോൾ കരിമീൻ കുഞ്ഞുങ്ങളുടെ പ്രജനനത്തിൽ ശ്രദ്ധ കൊടുക്കുന്നു. അഷ്ടമുടിക്കായലിന്റെ തനത് മത്സ്യകുഞ്ഞുങ്ങളുടെ ഉയർന്നുവരുന്ന ആവശ്യകത ഈ മേഖലയിലേക്ക് കടക്കാൻ ഞങ്ങൾക്ക് പ്രചോദനമായി.